Christiansborgimi perusuersartarfinni kokaininik nassaarneq Københavnimi Politiinut suliassanngortinneqarpoq.
Aviisi B.T. misissuititsinermini Christiansborgimi perusuersartarfinni pingasuni kokainiminiugunavissunik nassaarpoq.
Folketingimi siulittaasoq, Christian Mejdahl, aalajangerpoq, pisoq politiinit misissuivigineqartariaqartoq.
- B.T.-mit paasissutissiissutit ilumoortortaqarnersut naliliivigisinnaanngikkaluarpara. Kokainimilli Christiansborgimi naammattoorsisoqarnera kipiluttunarlunilu tupannaqaaq. Taamaammat Københavnimi Politiit paasiniaanissaat pisariaqarluinnarsoraara, Christian Mejdahl oqarpoq.
Christiansborgimi 30-nik perusuersartarfeqarpoq, taakkulu B.T.-p sukumeeqisumik misissuivigisimavai, aanngajaarniummillu taassuminnga navianaqaqisumik, nutarfaseqisumillugooq, inerteqqutaalluinnartumillu, perusuersartarfinni pingasuni nassaartoqarsimasoq aviisi B.T. allappoq.
Perusuersartarfiit kokainimik nassaarfiusut Christiansborgip ilaani, Provianthusimiittuupput, misissuinerlu tutsuiginarluinnartutut politiinit nalilerneqarpoq.