Københavnimi piitsut amerlaqaat
Københavnimi innuttaasut 66.000-it piitsutut inuusut misissuinerit takutippaat. Aviisi ullormut saqqummersartoq Politiken nittartakkamini taama allaaserinnippoq.
Allattoq Mads Lynge
februaarip 01-at 2008 11:49
Piitsunertik pissutigalugu nerisaqarpiarneq ajorput. Puukunik katersuisarput, eqqaavissiortarlutillu. Københavnip kommunia misissuisitsisimavoq. Danmarkimi nunasisimasut 30 procentii piitsutut aamma inuusut paasineqarluni.
Danmarkimi aningaasarsiornerup ukiut kingulliit ingerlanerini ilorraata tungaanut saakkiartornerata ilutigisaanik piitsut ikiliartoraluartut, piitsut piitsuunerulersimasut pisuullu pisuujunerulersimasut misissuinerup aamma takutippaa.
Akissarsiat qaffakkiartorneri ilutigalugit aningaasatigut ikiorsiinerit aamma qaffakkiartuaartinneqarsimannginnnerat aamma pissutaatinniarneqarpoq.
Pissakinnerit akiitsoqarnertik qaangerniapiloortarpaat, ajornartarsiutillu annertusiartuinnavittarlutik.
