Københavnimi Nuuks Pladseqalissaaq
Københavnimi metrop aqqutissaanik nutaanik ukiuni makkunani assaalluni qillerisoqarpoq. Qillerussuillu atorneqartut aappaat metrop unittarfissaanut Nuuks Pladsimik taaguuteqartussamut ippassaq apuuppoq.
Qillerussuit ulloq unnuarlugu sulisinneqartut ulloq unnuarlu agguaqatigiissillugu meterit 15-it missaannik qillerisarput. Nuuks Plads Station Nørrebromi Jagtvejimiissaaq 2018-imilu ammarneqarnissaa naatsorsuutigineqarpoq.
Sumiiffimmi aqquserngit taaguutaat, soorlu Hans Egedes Gade aamma Godthåbsvej isumassarsiorfigalugit metrop unittarfissa taama taaguuserneqarsimavoq, taaguutissamillu toqqaaneq aamma Kalaallit Nunaanni Namminersorlutik Oqartussanut inuulluaqqussutit aamma paasisariaqartoq, Metroliortut 2009-mi taaguutissaq aalajangiiffigigamikku taama oqaluttuarput.
Taamaasilluta 2018-imi metrop højtaleriisigut ima oqartoqartalernissaa qilanaarisinnaanngorparput: Uniffissap tullia - Nuuks Plads!