Københavnimi neriniartarfik pitsaanerpaatut toqqarneqarpoq
Københavnimi neriniartarfik NOMA, Nunani Avannarlerni Ukiup neriniartarfiatut ippassaq unnukkut toqqarneqarpoq.
Allattoq Elisa Isaksen
Qallunaat neriniartarfiutaata taassuma, Danmarkimi kisiartaalluni Michelin-guidemi marlunnik ulloriannassimasup, ajugaaffgiai Sverigimiittoq Mathias Dahlgren, Norgimeersoq Bagatelle, Islandimeersoq Dill aamma Finlandimeersoq Savoy.
Toqqaaniarnermi tallimanik naliliisoqarpoq nunanit ukunannga allartitaasunik: Norge, Sverige, Island, Finland aamma Danmark.
Neriniartarfik NOMA neriniartarfiuvoq, Nunani Avannarlermiut nerisassaataannik immikkut nerisassiorfiusartoq, taaguutaalu uannga naalisagaavoq, "nordisk mad", kalaallisut Nunani Avannarlermiut nerisassaataannik neriniartarfittut taasinnaasarput.