Københavnimi Kalaallit Illuat nutaamik pisortaqalissaaq

Maanna pisortaasoq, Inger Bruun soraarninngussaaq ukiuni 40-it missaanni Kalaallit Illuanni sulereernermi kingorna. Inger Bruun-ip paarlatsigissavaa, NAPA-mi Nuummiittumi pisortaq, Leise Johnsen.
Allattoq Apollo Jeremiassen
maajip 01-at 2013 06:49

Sermitsiaq.ag ippassaq taama allaaserisaqarpoq.

Leise Johnsen septembarip aallaqqaataani piosrtatut atorfinissaaq, taamaalilluni maannamut ukiuni marlunni pisortaaffini, NAPA qimassallugu. Leise Johnsen Tele-mi aamma Arktisk Institut-imi sulisuusimavoq.

- Kalaallit Illuanni siunissamut pilersaarutit ineriartortinneqarnissaat atuisunit, siulersuisunit aamma sulisunit peqataaffigineqartumit suliarineqarnissaat qilanaaraara, Leise Johnsen Sermitsiaq.ag-mut oqarpoq.

Kalaallit Illuat Københavnimi Løvstrædemiittoq 1974-mi ammarpoq, tassani eqqumiitsulianik takutitsisoqartarluni assigiinngitsunillu ataatsimuualaarfiusarluni soorluttaq Kalaallit Nunaannut tunngasunik paasissutissiiffiusarluni minnerunngitsumillu ilinniagaqartunut siunnersuiffiusarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq