Kyivip borgmesteria: Juullerpalutsitsisoqarnaviannginnera ernummatigineqartariaqanngilaq

Juullimut orpilianik Ukrainemi illoqarfiit pingaarnersaanni nalliuttuni nappaasoqarnissaa aalajangiusimagini, Kyivip borgmesteria oqarpoq.
- Ingen kommer til at aflyse nytår og jul, og nytårsstemningen skal være her, siger Kyivs borgmester Vitalij Klitsjko til det ukrainske nyhedsbureau. Assi © : European People's Party/flickr
Allattoq Ritzau
novembarip 29-at 2022 14:26
Nutserisoq Mads Lynge

Juullimut orpiliat piffissami qaninnerusumi napparneqarnissaat, Ukrainep illoqarfiisa pingaarnersaanni Kyivimi innuttaasut naatsorsuutigisinnaavaat. Sorsuttoqarneratami kingunerisaanik juullerpalutsitsisoqarnaviannginnera Kyivimi innuttaasut ernummatigisariaqanngilaat. Kyivip borgmesteria Vitalij Klitsjko Ukrainemi nutaarsiassaqartitsivimmut RBC-Ukrainemut taama oqarpoq.

- Ukiortaaq juullilu taamaatiinnarneqarnavianngilaq ukiortaarsiorpalaartoqassallunilu, taanna Ukrainemi nutaarsiassaqartitsivimmut oqarpoq.

- Putinip juulli tillissanngilaa, Klitsjko oqarpoq.

AAMMA ATUARUK WHO: Ukrainemi ukiuunerani inuppassuit inuunerannik naleqarsinnaavoq

Juullimulli orpiliat Ruslandip Ukrainemik saassussineranit eqqorneqanngitsoornavianngillat.

Orpilissat pinnersarneqarnavianngitsut qulleeralersorneqarnavianngitsullu, Serhij Kovalenkommi nukissiorfimmi Yasnomi Kyivimut innaallagissamik ilaatigut pilersuisumi pisortaanerup oqaatigaa. Innaallagissamimmi sipaartoqartariaqarpoq.

- Nuannersumik orpiliaqarumaarpoq. Innaallagissamilli sipaarniartoqarnerani orpiliaq napparneqarumaarpoq, taanna oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk