Kuupik Kleist tulluusimaaqisoq: Nunatta tamanna pisariaqartippaa
Inuit Ataqatigiit pilersaarutigisimagaluarpaat Nuup katersortarfiani unnussiuaartitsinissartik, kisianni partiimi ilaasortat siunnersuutigimmassuk qinersinerup unnukkua Timersortarfimmi ”Godthåbshallen”-imi ingerlanneqassasoq isumassarsiatsialattut nalilerlugu timersortarfimmiipput.
Allattoq Najaaraq Egede
juunip 02-at 2009 23:10
Nuummi inersuaq timersortarfik inunnik ulikkaarluinnarsimasoq najorlugu Inuit Ataqatigiit qinigassanngortittalillaramilli oqaluttuarisaaneranni ajugaaneq angisooq piviusunngorpoq. Timersortarfik nipilersortorissaaqisoq Inuit Ataqatigiit siulittaasuat Kuupik Kleist isermat nillerranneqangaarmat soorlu qalia qangattaannassasoq.
Kuupik Kleist tuppallersimaaqisoq partiimik suliniutaannik sinerissami suleqataasimasut tamaasa qutsavigai, qinersisartullu tamaasa tapersersuilluarsimanerat pillugu qutsavigalugit.
- Kalaallit Nunaata tamanna pisariaqartippaa, Kuupik Kleist oqarpoq, neriuutinilu oqaatigaa, tassalu Kalaallit Nunaata ullunut nutaanut ikaarsaariarnissaanut innuttaasut tamaasa peqataanissamut kissaakkini.
