Kuupik Kleist: Nunaqarfinni sunniuteqarnissaq pingaartuuvoq
- Neriuppugut IA-p qinigassanngortitai ataatsimoorussanik nunaqarfinni aqutsisussanik qinersinermi ingerlalluassasut. Partiitsinnut pingaartuuvoq nunatsinni tamarmi sunniuteqaqataanissaq, aamma nunaqarfinni, IA-p siulittaasua Kuupik Kleist oqarpoq.
Kuupik Kleist aamma isumaqarpoq, nunaqarfinni aqutsisussanik qinersineq inatsisartunut aasaru qinersinissamut tikkuussisuussasoq.
- Nunaqarfinnut aqutsisunut qinersineq inatsisartussanut qinersinissap qanoq inerneqarnissaanut tikkuussisussatut takorluunngilara. Siornatigummi qinersinerni inernerit takutittareerpaat innuttaasut nunaqarfinni aqutsisunut inatsisartunullu qinersinerni inernerit assigiinngitsorujussuusinnaasut, Kuupik Kleist oqarpoq.