Kuupik Kleist: Nuannaajallannaqaaq
Uuliamik qalluinissaq qangali tusagassiortunit aamma politikerinit isumalluarfigineqartarpoq, tamannali neriuinnarnerulluni.
Neriuinnarneq ullaap tungaa allanngortinneqarpoq, tassa Cairn Energy nalunaarmat uuliamik nassaarsimallutik.
Naalakkersuisut siulittaasuat Kuupik Kleist aperaarput, Cairn Energyp nalunaarutaanut qanoq qisuariaateqarsimanersoq, ima akivoq:
- Taama nalunaaruteqartoqarnera nuannaajallannarpoq. Uuliasiorsinnaalerneq maanna ilimanarserujussuarpoq, tamannalu politikkimi sulinitsinni akisussaaffiillu eqqarsaatigalugit Naalakkersusisuni ullaaq manna eqqartorparput. Maanna politikkikkut aammalu Naalakkesuinikkut piumasaqaatit arlalinngorput, tassami annertuumik piiaasoqalissappat inuiaqatigiinni sullissinerput allanngortinneqarsinnaammat. Aamma maannamut qillerinissat akuersissutigineqareersut nakkutiginissaat aamma avaqqunneqarsinnaanngilaq. Uuliamik nassaarneq sunniuteqassaaq politikkikkut suliatta siunissami allanngortinneqarsinnaaneranut, tamannali piareersimaffigaarput, Naalakkersuisut siulittaasuat, Kuupik Kleist oqarpoq.
