Kuupik Kleist: KNR-imik atuisut akiliisalerlik

Kalaallit Nunaata Radioa Namminersornerullutik Oqartussaniit pituussaaruni ingerlalluarnerulissaaq, innuttaasunillu pitsaanerusumik kiffartuussisinnaanngussalluni. Inuit Ataqatigiit siulittaasuat Kuupik Kleist taama isumaqarpoq.
Allattoq Louise M. Kleemann
maajip 07-at 2008 12:05

Inuiaqatigiit Kalallit Nunaata Radioanut atuinermut akiliisartoqalersinnaanera Inuit Ataqatigiit takorloorpaat.

- Naalaartartut imaluunniit isiginnaartartut qaammammut imaluunniit ukiumut akiliisalersinnaanissaat periarfissatut isigaarput. Kisianni inatsisarut aningaasaliisarnissaat ingerlaqqissasoq isumaqarpugut, Kuupik Kleist oqarpoq.

Kuupik Kleist isumaqarpoq nutaarsiassaqartitsinermut inunnillu qaammarsaanermut nukiit annertunerusut atorneqartariaqartut.

- Aallakaatitassiat tamaviisa KNR-ip ingerlassinnaanngilai taamaattumik pingaarnersiuineq pingaaruteqartupilussuuvoq, Kuupik Kleist oqarpoq.

KNR-ip Namminersornerullutik Oqartussanit pituussaarnissaanut isuma Demokraatit tapersersorpaat, innuttaasut atuinerminnik akiliisinneqartalernissaat oqariartuutigalugu.

KNR suliffeqarfittut imminut pigisunngortinneqarnissaa pillugu isummertoqannginnerani misissuisoqaqqaassasoq Siumut isumaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq