Kuupik Kleist: Inuiattut piareerutta namminersulivikkumaarpugut
- Nunatta Danmarkiminngaannit avissaarluni naalagaaffinngornissaanut tunngasoq, naalakkersuisunngortugut ukiuni sisamani tullerni suliassatsinnut ilaanngilaq. Namminersulernermi inatsisip ilagivaa kalaallit naalagaaffinngorniarlutik misigisimalerunik qaqugukkulluunniit aalajangersinnaasut. Apeqqut taanna Danmarkimut isumaqatiginniutigeqqissanngilarput, Kuupik Kleist oqarpoq.
Inuiaat kalaallit namminneq akiugassaanngitsumik piumassuseqalerunik aatsaat naalagaaffinngornissaat pingaarnerpaarpaasoraa.
- Allatut aalajangiiffigineqarsinnaanngilaq. Piumassuseqanngitsut oqarfigineqarsinnaanngillat: Aqagu namminiilerniaritsi. Naalakkersuinermut, aningaasaqarnermut, nunarsuarmi pissutsinut allanullu tunngasut apeqqutaassapput. Inuiaat piareersimanngippata naalagaaffinnguinneq aalajangiiffigineqarsinnaassanngilaq. Kuupik Kleist oqarpoq.
