Kuupik Kleist: Apeqqutit akissutissarsineqanngitsut amerlavallaarput
Apeqqutit akissutissarsineqanngitsut amerlavallaarnerarlugit, Demokraatit, Kattusseqatigiit Partiiat Inuit Ataqatigiillu pilersaarutit kinguartinneqarnissaat piumasarivaat.
- Sulisussanut tunngasut aamma pingaaruteqaqaat. Sanaartornerup nalaani apeqqut siulleq unaasariaqassaaq, ukiuni siullerni tallimani arfinilinni sulisorineqartussat Kinaminngaanneersuussappata, Islandimi misilittakkat naapertorlugit, taakkua arlaannut mattullugit sulisorineqarniarnersut apeqqutigerusunnarpoq, imaluunniit inuiaqatigiinnut akuliutsillugit nunatsinni najugaqartinniarneqarnersut ukiuni taakkunani. Apeqqutit taamaattut aalajangiinissamut tunngavissiami ersersinneqanngillat, taama oqarpoq inatsisartunut ilaasortaq Kuupik Kleist.
Aluminiumik aatsitsivissaq inatsisartuni marsip ulluisa 14-ianni oqallisigineqartussatut pilersaarutigineqarpoq.
