Kuupik: Kalaallit Nunaat CO2-mik marloriaammik aniatitsisariaqassaaq
Aningaasanut inatsimmi 40 procentit tikillugit Danmarkimit ataatsimoortumik tapiissutaasarput, ataatsimoortumillu tapiissutit ikilisinneqassappata taava Kalaallit Nunaat aningaasarsiorfiusinnaasunik allanik nammineq ujaasisariaqassaaq, taamaattumik maannakkornit CO2-mik marloriaammik aniatitsisoqartariaqassaaq, naalakkersuisut siulittaasuat, Kuupik Kleist oqarpoq.
Silap pissusaa pillugu isumaqatigiissutissami Kalaallit Nunaat toqqaannartumik qanoq sunnerneqarsimatigissanersoq Kuupik Kleistip oqaatigisinnaannginnerarpaa, taamaakkaluartorli tamannarpiaq isumaqatigiissutissami aalajangiisooratarsinnaasoq oqaatigalugu.
- Silap pissusaa pillugu isumaqatigiissusiornissamut atatillugu aningaasaqarnikkut ajornerulersitsisussamik isumaqatigiittoqannginnissaa qulakkeerniagassaraarput, Kuupik Kleist oqarpoq.
Ilanngutassiaq unnugu Qanoruukkut takujuk.