Kuupik: Danskit uppernarsaasariaqarput
Ataatsimiititaliap piumasaqaataa eqqorlugu, Naalakkersuisut maanna piumasariniarpaat, arlaannaannulluunniit attuumassuteqanngitsunik misissuisoqarnissaa, tamannalu naqissuserlugulusooq Naalakkersuisut siulittaasuata tuasagassiortunik katersortitsinermi misissugassat suunersut ima eqqaavai:
- Misissugassat ilagaat, USA-mi Naalakkersuisut Danskit Naalakkersuiusunut atsiorlutik nalunaaruteqarsimanerat tassalu, nunat tamalaat akornanni isumaqatigiissutinik unioqqutitsisoqarsimanngitsoq aammalu nunatta silaannartaa nunataalu atorneqarsimappata siunertanut makkununnga, tamanna nunatta soqutigisaanut malittarisassanillu innarliisimannginneranik qulakkeerinninnermik atsiorsimaneq, tamanna aamma uagutsinnut atuuttumik taamaaliortoqarsinnaannginnersoq paasiniarneqassasoq.
Paasinarsisappat CIA tigusanik ilaasoqarlutik Nunarput aqqusaartarsimanngikkaa, taava danskit Naalakkersuisuisa tamanna uppernarsisariaqaraat, Kuupik Kleist oqarpoq.
- Manna tikillugu CIA-p ingerlassimasaasa eqqartorneqarnera eqqarsaatigalugu ilaasa upperaat ilaasali upperinagu. Qanorpiaq tamanna pissusilersorfigissanerlutigu suli Naalakkersuisunit aalajanginngilarput. Ilumoorsimappat USA-p danskit Naalagaaffiannut qulakkersimagaa, ilumut taamaattoqarsimannginnera, taava eqqarsaatigineqarsinnasoq unaavoq, danskit Naalakkersuisuisa uagutsinnut tamanna uppernarsassagaat ilumut taamaattoqartarsimanngitsoq, Naalakkersuisut siulittaasuat, Kuupik Kleist oqarpoq.
