Kuupik: Canadamut timmisartuussineq ammaqqissaaq
Assartuussinermut Isumalioqatigiissitat isumaliutissiissutaat naalakkersuisunut ukiup naanerani tunniunneqartussaq naalakkersuisut siulittaasuata oqalugiaammini eqqaavaa, tassungalu atatillugu Canadamut timmisartukkut attaveqarnerup ammarneqarnissaa periarfissaasoq oqaatigalugu.
- Amerikamut Avannarlermut ukiorpaalunngortuni timmisartukkut attaveerussimanerput eqqarsaatigalugu nuannaarutigaarput kimmut Canadamut timmisartukkut attaveqarnerup ammarneqarnissaa qanilliartormat, Kuupik Kleist oqarpoq.
Baltimoremut timmisartukkut attaveqarneq Air Greenlandimit 2008-mi matuneqarpoq.
Kalaallit Nunaata Iqaluillu akornanni timmisartukkut attaveqalernissaq isumaliortersuutigineqartoq Air Greenlandimit siorna oqaatigineqarpoq.