Kuummiuni tunisassiorfik ammarneqaqqippoq
Naalakkersuisut pisassiissuteqarneratigut Kuummiuni tunisassiorfiup ingerlaannarnissaa qulakkeerneqarpoq.
Allattoq Louise M. Kleemann
Kuummiuni tunisassiorfik 2007-imi oktobarip qaammataani amigartunik pisassiissuteqarneq peqqutaalluni matuneqarmat, malitsigisaanik ilaqutariit arlallit pisortanit ikiorsiissutinik isumalluuteqartariaqarsimapput.
Gerth Lynge-p Nunaqavissut Sulisitsisut Kattuffianni siulittaasup, pisassiissummik pissarsineq nuannaarutigaa. Taassuma aalisarnermik inuutissarsiuteqarnerup Tunumi ilinniartitsinikkut inerisarneqarsinnaanngornera isumalluarfigaa.
Tunumi pisuussuterpassuaqarpoq ullu-manna tikillugu atorluarneqanngitsunik, Gerth Lynge oqarpoq.