Kusukkat inngigeqisut Ruslandimi ajornartorsiutaapput
Aatsaat taama sivisutigisumik ukiorsioreerlutik russit kusukkanik naalliuuteqalerput, allaat toqqutigisalerlugit. Sankt Petersborgiinnarmi inuit tallimat maannamut ajunaareerput, 147-llu aqqunartiterlutik.
marsip 24-at 2010 07:15
Kusukkat inngigeqisut illut qaliaanniit nakkartartut Ruslandimi illoqarfinni ukiut tamaasa ilungersuutigineqarput, silami upernaakkut kissatsikkaangat sermeq apullugu illut qaliaanni aallutik nakkaalersarput.
Annaassiniartartut Sankt Petersborgimi ulloq unnuarlu maanna sulisariaqarput, illut qaliaanniit sermiiaallutillu aputaajaallutik.
Ajornartorsiut tassaavoq Sankt Petersborgimi illut 13.500-t qaliaat ulorianarluinnarmata, sermiiaruminaallutillu aputaajaruminaallutik.
Ruslandimi inuit qasserpiaat kusukkanit nakkarfigitillutik toqquteqarsimanersut ilisimaneqanngilaq.
Nutaarsiassaqartitsivimmi Ritzauimi allaaserisat naapertorlugit inuit hornorujulippassuit aqqunarsimapput 25-llu ajunaarsimallutik.
