Kurderit Tyrkiamiunit saassunneqartut
Kurderit pikititsiniartartui PKK-meersut Irak-ip avannaaniittut, tyrkiamiunit ullumi silaannakkut saassunneqarput
Allattoq Jaaku Lyberth
decembarip 22-at 2007 17:24
Sassussineq suli ingerlanneqartoq sakkutooqarfiup nittartagaani allaaserineqarpoq.
Tyrkiamiut sakkutuuvi 300-inik amerlassuseqartut marlunngormat Irak-ip avannaanut killeqarfiup eqqaanukarput. Sapaatiummat tyrkiamiut timmisartui qaartartut atorlugit saassussipat.
Kurderit pikititsiniartartui PKK 3500 missaanniittut Qandilip qaqqaani toqqorsimanasorineqarput.
Tyrkiami naalakkersuisut isumaqarput, Kurderit pikititsiniartartuisa PKK-ip Irak-ip avannaani, tyrkiamiut sakkutuuvinut saassussinissaminnut sakkutooqarfilersimasut.
Tyrkiamiut saassussinerat Irak-imit akerlilersorneqarsimagaluarpoq. Tyrkiet isumaqarpoq, PKKip saassussisarnera pinaveersaartinniarlugu Irak qanoq iliuuseqanngippallaanngitsoq.
