Kurderit TV-qarfiat ROJ pinngitsuutitaavoq
Kurderit TV-ikkut aallakaatitsiviat Roj, Danmark-imiit aallakaatitsisartoq, eqqissiviilliortitsinissamik akeqqersimaarnissamillu kajumissaarisarsimasutut pisuutinneqarsimasoq, pinngitsuutitaaqqippoq.
Tyrkiamiut tv-ikkut oqartussaasui ukioq kingulleq danskit radiukkut tv-ikkullu aalajangiisartuinnut pisuutitsinernik naammagittaalliuutigineqartunik pingasuusunik tunniussipput.
Danskit radiukkut tv-ikkullu aalajangiisartui TV-qarfiup Roj-ip aallakaatitsisinnaaneranik akersissuupput.
Pisuutitsinerit tamarmik atortinneqanngillat, aalajangiisartut siulittaasuat Christian Scherfig DR-imeersoq oqarpoq.
Ammip qalipaataanik assigiinngisitsinermik akeqqersimaarnernillu kajumissaarisunik Roj-ip nutaarsiassatut aallakaatissimasaanik takusaqarsinnaanngilagut, Christian Scherfig oqarpoq.
Kurderit pinerliiniaqatigiiffiata PKK-ip oqariartuutaannik TV-eqarfik Roj ingerlatitseqqiissartutut, tyrkiamiut oqartussaasuinit pisuutinneqarpoq. PKK EU-mit USA-millu pinerliiniartartutut allattorsimasuutigineqarpoq.
Tyrkiamiut oqartussaasuisa TV-eqarfiup ROJ-ip Danmark-imiit aallakaatitsisinnaanera arlaleriarlutik naammagittaaliuutigisarsimavaat.