Kunuunnguup ullorsiusiai Katuami
Naggueqatitta akilinermiup filmiliortartup Zacharias Kunup filmiliaa taaguuteqartinneqartoq The Journals of Knud Ramussen, Knud Rasmussen-ip ullorsiusiai, akilinermi illulimmi 1920-ikkunni pisimasulersaarutaa Katuami ulluni tulliuttuni takutinneqartussaavoq.
Isiginnaagassiami takutinniarneqarpoq naggueqatigiit inuit kristumiunngortinneqannginneranni ileqqut inooriaaserlu, kingornalu qallunaanit tikinneqarnerup kingorna kristumiussutsimmik upperisaqalerneq.
Isiginnaagassiaq akunnernik marlungajannik sivisussuseqartoq naggueqatigiinnik inunnik inuttaqartinneqartoq qallunaanik marlunnik inuttaqartinneqarluni. Pingaarnerutillugu inuttaritinneqarpoq Avva najaalu uillarneq.
Isiginnaartitsisartoq ilitsersuisartorlu Laila Hansen
Filmi The journal of Knud Rasmussen isiginnaareerlugu naliliisipparput.
Taanna oqarpoq, filmi immini eqqissisimasuugaluarluni pissanganartuusoq, qanoq pisoqarnissaa pissangaanavimmat.
Filmi The Journals of Knud Rasmussen Katuami unnuk manna takuteqqaarneqarpoq, pingasunngornermilu novemberip ulluisa aallaqqaataani naggataamik isiginnaarneqarsinnaajumaarluni.
