Assi: KNR

RAL Kuno Fencker siulittaasutut ingerlaqqippoq

Royal Arctic Linemi siulersuisunut ilaasortat tamarmiusut atuuffimminnut qinigaaqqipput. Tamanna pivoq umiarsuaatileqatigiiffiup ullumi ataatsimeersuarnerani.

Siulersuisuni siulittaasoq, Kuno Fencker, ukiuni marluni kingullerni Royal Arctic Linemi siulittaasutut atuuffeqartoq, siulittaasutut ingerlaqqippoq.

Umiarsuaatileqatigiiffiup ukiumi qaangiuttumi angusai, pisortaanerup Verner Hammekenip ataatsimeersuarnemi saqqummiukkamigit iluarisimaarpai.

- Assut naammagisimaarnarpoq. Ukiup aallartinnerani ilimagisatsinniit pitsaanerusumik inernilimmik saqqummiussivugut, siulersuisullu ingerlaannarnissaat qilanaaraarput, Royal Arctic Linemullu ukiunut aggersunut periusissiaq tamatumuuna ataavartuussalluni, pisortaaneq Verner Hammeken oqarpoq.

Aamma atuaruk Assartukkanut akit sinneqartoorfiusut

Aamma atuaruk Royal Arctic Line Danmarkiliartarnerulissaaq

Umiarsuaatileqatigiiffimmi siulersuisuni siulittaasoq, Kuno Fencker, 2014-imili siulittaasutut atuuffeqartoq, suliffeqarfimmi ineriartorfiusumi suleqataanissani qilanaarutigaa.

- Nuanneqaaq, aamma umiarsuaatileqatigiiffik Nunarpullu sulliseqqinnissaa qilanaarivara, Kuno Fencker oqarpoq, nangillunilu:

- Aallaqqaammullu takorluugarinikuuarput nunarsuup sinneranut attaveqarnissarput, tuniniaanerup pisiniarnerullu tungaatigut, pitsanngorsassallugu.

Aamma atuaruk RAL-imi siulersuisut taarserneqarput inuusuttumillu siulittaasortaarlutik

Kuno Fencker timmisartortitseqatigiiffiup Air Greenlandip unammillertissaani, Aluu Airlinesimi, CCO-tut ukioq kingulleq atorfinippoq. Royal Arctic Linemi atuuffeqarnermi saniatigut timmisartortitseqatigiiffimmi tuniniaanermi pisortatut atorfeqarnini taassuma isornartoqartinngilaa.

- Takusinnaanngilara suna unammillissutaasinnaanersoq. Aluu Airlinesimi inunnik angallassineq annikinnerusumillu assartugassanik suliaqartuuvoq, Royal Arctic Linemili assartuinermut tunngasuulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat