Kunngissaqarneq pillugu inatsit kalaallinit akuersissutigineqarpoq

Kunngissaqarneq pillugu inatsimmut, siorna juunip arfineq-aappaanni inunnik taasisitsinerup kingorna nalunaarusiaq, maanna naammassivoq. Siorna taasisitsinermit inernerugallartutut tamanut nalunaarutigineqartut tassani uppernarsarneqarput.

Kunngikkormiut meeraat nukappiaraagunik niviarsiaraagunilluunniit kunnginngorsinnaasassanersut taasisitsissutigineqarpoq. Innuttaasunit 92,6 procentit Kalaallit Nunaanniit tamatumunnga akuersipput.

Pappiaqqani taasinermi allaffissani atorsinnaasuni 7,4 procentit naagga krydsilersimavaat.

Kommune Kujallermi taasisitsineq assut tukattumik ingerlanneqarsimavoq. Qinersinermut allagartat, Inatsisartunut qinersinermi atorneqartartut, tassani atorneqartut kommunip ullup-qeqqata kingorna marlunut qiteqquttoq paasisimavaa - Inatsisartunut qinersinermi piumasarineqartarpoq qinersisussaq sivikinnerpaamik ukiup affaa Kalaallit Nunaanni najugaqarsimassasoq.

Kunngeqarfimmi tamarmi inunnik taasisitsinermi tamanna piumasaqaataanngilaq.

Taamaammat Komune Kujallermi qinersisartut, qinersivimmi allassimanngitsut inuup normua atorlugu misissorneqarput. Tamannali taasisitsinermut ajornartorsiutaasimanngitsoq Kommune Kujallermit ilisimatitsissutigineqarpoq.

Innuttaasut 40.000-it qinersisinnaagaluarput, taasisulli 8.686-iupput, tassa 21,7 procentiinnaat, taakkulu tassa inatsisissamut akuersipput.