Kunngissaq Savalimmiuni arpaqatigiinnissamut qaaqqusisoq
Kunngissaq Frederik Danmarkimi illoqarfinni tallimani assigiinngitsuni siorna arpattoqarnissaanut qaaqqusimmat 71.000-t arpaqataapput. Arpatsitsineq kunngissap 50-iliinissaanut atatillugu ingerlanneqarpoq.
Prinsip timersornermut kajumissuseqartup taperserneqarluarluni, iluatsilluartumik arpatsinini aammaaqqinniarlugu, Royal Runimut qaaqquseqqippoq.
AAMMA ATUARUK Kalaallit Aarhusimiittut kunngissamut qiimmassaasut
Arpannerlu Savalimmiuni juunip aallaqqaataani aallartinneqassaaq ullullu qulingiluat qaangiunneranni, prinsip ulluisa aappaanni Københavnimi, Aarhusimi, Aalborgimi Bornholmimilu ingerlanneqassalluni. Kunngissalli ukioq manna ullormi ataatsimi København Aarhusilu taamaallaat angusinnaavai.
Kunngikkormiulli arpatsitsinerat nunatsinni ingerlanneqarnavianngilaq. Savalimmiuni arpaffiusussatut qinigassat marluinnaapput tassalu 1,609 kilometerit missaanniittoq imaluunniit 10 kilometerit arpannissaq. Illoqarfiit sinnerini 5 kilometerimut arpannissaq qinigassaasinnaassaaq.
AAMMA ATUARUK Kunngissaq inuuissiornermini arpannissamut qaaqqusisoq
