Kunngissaq piviusulersaarummik filmilioqataassaaq
Kunngissaq Frederik aamma Danmarks Radio isumaqatigiissimapput, kunngissaq piffissaqaleruni nunatsinnut piviusulersaarummik aallakaatitassioriartussasoq, matumani Qaanaami piniartutut inuuneq sammissallugu.
Allattoq Elisa Isaksen
Danmarks Radiomi aallakaatitassiornermut pisortaq Lars Grarup ullumi aviisimut BT-mut oqaluttuarpoq, kunngissap nammineq aallakaatitassioqataanissaa angalanerminilu nammineq assiliissuteqarnissaa siunniussimagitsik.
DR1-ip nangeqattaartuliaa ”Danmarksekspeditionen” Kunngissap peqataaffigisaa aallakaatinneqareersorlu taamatut nutaamik isumaqatigiissuteqartoqarpoq.