Kunngissaq Nuummut tikeraarpoq
Kunngissaq piffissami sivikitsuinnarmi Nuummiissasoq paasinarsivoq - tassa nalunaaquttap akunneri marlussuinnaat Nuummeeriarluni sakkutuut imarsiortut angallataat atorlugu aallaqqissagami.
Allattoq Jens Thorin
apriilip 28-at 2011 10:11
Taamaammat aaqqissuussinermut "Maaji peqqinnaartuutiguk"-mut tunngatillugu aaqqissuussaq alla Nuummi Timersortarfissuarmi Inussivimmi pisussaq peqataaffigisinnaassaneraa suli nalunarpoq.
"Maaji peqqinnartuutiguk" illoqarfinni arlalinni qaammat tulliuttoq pissaaq, sammisassallu assigiinngitsut 200-t missaat ingerlanneqassapput. Siorna pimmat 17.000-it missaat Nuummiinnaaq peqataapput. Aaqqissuussinerlu Nuummi pereersorlu illoqarfinni allani aamma taama aaqqissuussisalerput.
"Maaji peqqinnartuutiguk" Ilulissani Qaqortumilu ukioq-manna aamma pisussaavoq.
