Kunngissaq Frederik pillugu atuakkiaq oqallisaaqaaq
TV-avisimit ippassaq unnukkut oqaatigineqarpoq kunngissaq Københavnimi aappaagu sila pillugu naalagaaffiit aallartitaasa peqataaffigisaannik ataatsimeersuarnissami pingaartumik inissiffeqarniartoq.
Silap pissusaanut tunngasut kunngissap Frederik-ip assut soqutigisarai, atuakkiortullu Karin Palshøjip Gitte Redder-illu allaaserinninnerminni taavaat kunngissap neriuutigigaa, statsministerip aamma silap pissusaa pillugu ministerip, ataatsimeersuarnermut atatillugu arlaatigut nuimasumik inissisimanissaminik kissaateqarfigissagaanni.
Tusagassiorfinnilli soqutigineqarnerpaajuvoq Kunngissap Nunat tamalaat olympiadernermut ataatsimiitaliaa IOC pillugu isummersornera.
- Nuna Olympiademik aaqqissuussaqartoq tamat oqartussaaqataanerannik demokratiimik ineriartortitsinissamik ammaassisarpoq, kunngissaq atuakkami issuarneqarpoq.
Kunngissaq isumaqarpoq danskit tusagassiorfiisa olympiadeqartarnermik samminninnerat qanganitsersimasoq.
Atuagaq saqqummersussaq kunngissap ataasinngornermi maajip ulluisa 26-ianni 40-inik ukioqalernissaanut atitillugu suliaavoq.
