Kunngissaq Frederik iliseqataassaaq

Jonathan Motzfeldtip ilisaaneranut atatillugu Hans Egedep Oqaluffiani tallimanngornermi naalagiaqatigiittoqalerpat Kunngissaq Frederik najuutissasoq, sermitsiaq.ag-mi allaaserineqarpoq.
novembarip 03-at 2010 06:15

Jonathan Motzfeldt Københavnimi oqaluffimmi Helligåndskirkemi ilisaanerata nalerpiaani, tassa Qallunaat Nunaanni nalunaaqutaq ualikkut tallimanut eqqaaniarneqartussaavoq, ataqqinartorsuarlu Dronning Margrethe tassani najuutissasoq Namminersorlutik Oqartussat ilisimatitsipput.

Eqqaaniaarnermi Danmarkimi kalaallit palasiat, Jens Kristian Kleist oqaluussisuussaaq.

Nunanut allanut Danmarkimi ministeriusimasoq, Uffe Ellemann-Jensen, oqaluffimmi aamma oqalugiassaaq.

Eqqaaniaareernerup kingorna Københavns Universitetip katerisimaartarfiani, Frue Plads 4-mi, kaffillertoqassaaq, kalaallit aallartitaat aaqqissuisuussallutik.

Aallartitat aamma ilisimatitsissutigaat, naasunik tuniserusuttoqassagaluarpat, Juuntaap Aningaasaateqarfianut aningaasanik ikisinissaq ajunnginnerussasoq.

Jonathan Motzfeldt-ip Aningaasaateqarfiata Grønlandsbankimi konto normoraa una: 6471-8225912.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq