Kunngissaq Frederik filmeriassaaq
Avannaarsuani unammilligassarput, tassani pingaar-nertut imaritinneqarpoq silap kiatsikkiartornerata ki-ngunerisalu Tasiilameersunit aamma Kalaallit Nunaanneersunit qanoq isigineqarneri.
Aammali nunarsuarmioqatigiinnut oqariartuuteqar-luni Anders Stenbakken oqarpoq, tassa silap kiatsik-kiartornerani eqqorneqaqqaartussat tassammata nunani issittormiut.
Filmi, tuluttut taaguutilik Our Arctic Challenge, Avannaarsuani unammilligassarput taama kalaal-lisuunngortinneqarsinnaaqunartoq, Tasiilami aasaq immiunneqarpoq tassalu ilaatigut Kunngissamut Frederik-imut takuteqqaarneqartussanngorluni, Tasiilami takornariaqarnermut pisortaq Anders Stenbakken, Radioaviisimut oqarpoq.
Kunngissap saniatigut nunanit allanit aallartitat 32-t qaaqquneqarsimapput..
Filmi minutsinik 52-nik sivisusseqartoq Tasiilami sakkortuumik ulluni arlalinni aasaq unammisoqarne-rani, tassa SIKU Extreme Arctic Challenge-qarnera-ni immiunneqarpoq.
Anders Stenbakken aamma oqarpoq, Avatangiisinut sullissisut, Det Europæiske Miljøagentur suleqatiga-lugu, novembarip 26-ani takuteqqaarneqartussan-ngortoq.
Filmimi aamma takutinniarneqarpoq pisunut assi-giinngitsunut inuit tulluussallaqqinnerat. Aamma takornariat ingasaaterujussuarnagu, tassalu amerla-vallaartorsuullutik, takkussuukkaluarpata pinngor-titamut inunnullu qanoq sunniuteqarsinnaanera.
Inuit nunamminni takornartatut malugisima-lersinnaapput, takornariarpassuit sumi tamaaniittut akornanni, Anders Stenbakken Tasiilami Takornari-artitsinermut pisortaq Radioaviisimut oqarpoq.
Our Arctic Challenge nunarsuarmiunit takuneqarsin-naasunngorlugu 2007-ip naalernerani siammarterne-qassaaq.