Kunngissap nulia Mary atisalersorluarnerpaasarpoq

Atuagassiap Vanity Fair-ip tusaamasat takujuminarnerit 45-t nalilersoreerlugit, kunngissap nulia taama nalilerpaat. Tassani allattukkani ilaapput filmiliaritittartut, nipilersortartut, kunngikkormiut, assilisittartut timersortartullu, Ritzauimi taama allaaserinnittoqarpoq.

Kunngissap nuliata atisat atortagai soorlu mærkit Hermeés, Chanel, Burberry aamma Pradahar pissutigalugit atuagassiami immikkut ilisimasallit taamatut inissippaat. Atuagassiamilu taaneqarpoq, "kunngimut naleqquttuusoq".

Tamatuma peqatigisaanik kunngissap nuliata naartuneranik tusatsiakkat imaaginnavipput. Se og Hørimi allaaserineqarpoq, Mary naartusoq juulillu naalernerani Rigshospitalimut scanneritikkiarstorsimasoq.

Tusatsiakkat kunngikkormiunit suli uppernarsarneqanngillat. Kunngikkormiut nittartagaanni aamma tamatumunnga tunngasumik allassimasoqanngilaq.