Kunngissap assammiuni katakkaa
Kunngissap Frederiup katikkami assammiortaava – kuultimit Nanortallip eqqaani Napasorsuup Qooruani kuultisiorfimmeersoq – maanna Amerikap sineriaata avataani immap naqqaniissasoq ’Se og Hør’-ip allaaseraa.
Allattoq Louise M. Kleemann
marsip 12-at 2008 12:21
Kunngissaq januaarimi Floridami tingerlaaserluni sukkaniunnissamut peqataajartortillugu assammioq katanneqarpoq. Kunngissaq koraleqarfimmi Key Westimi aqqartartutut atisalerluni aqqaqqatillugu assammioq katanneqarsimavoq. Tassa immap naqqaniitilluni paasilersimagamiuk assammiuni katassimallugu.
Kuulti nunatsinneersoq taamanikkut naalakkersuisunut ilaasortamit Jørgen Wæver Johansenimit Københavnimi erlinnartunik nioqqutilimmut Flemming Hertzimut tunniunneqarpoq. Kuultimit Hertz marlunnik assammiuliorpoq, taakkualu Kunngissakkut katikkamik assammiortaaraat.
Kunngissap assammiumi katannera uggoreqaa. Aqqartartorlu assammiuminik nassaarsinnaasoq akilerlugu Københavniliartinniarpaa kunngikkormiunullu pulaartinniarlugu.
