Kunngissap arni taarseriartulerpaa

Nunat tamalaat Olympiadeqartarneq pillugu ataatsimiitaliaani Danmark sinnerlugu ilaasortap, Kunngissaq Frederiup, ukiuunerani OL-eqarnerani peqataanera tallimanngorpat naassaaq.
februaarip 17-at 2010 16:04

Canadami Vancouverimi OL-ip sapaatip akunnera kingulleq ingerlanneqarnerani Kunngissaq Danmarkimut utissaaq, arni, Dronning Margrethe, taarseriartorlugu. Aviisimi Ekstra Bladimi tamanna allaaserineqarpoq.

Kunngissap nuliatalu nittartagaanni allassimasoq naapertorlugu, Kunngissap Frederiup OL-imi sapaatip akunnerani ataasiinnami najuunnissaa pilersaarutaajuarsimavoq.

Kunngissaq Vancouverimiit utinnginnermini medaalianik arlalinnik tunniusseqqaassaaq. Nutaarsiassaqartitsivimmi Ritzauimi allassimasoq naapertorlugu OL-ertoqartillugu medaalianik agguaaneq Nunat Tamalaat Olympiadeqarneq pillugu ataatsimiititaliani ilaasortanut ataqqinaataanerpaanut ilaavoq.

Angutit sisoraatinik 10 kilometerimut sukkasuumik arpammata Kunngissaq medaalianik sapaatip unnuaani pernaammik agguaassereerpoq.

Medaalianik agguaassisarnermi saniatigut danskit OL-imut peqataasut Kunngissap Frederiup nulii kronprinsesse Mary peqatigalugu tapersersorpai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq