Kunngikkut tikeraarnissaannut saliinersuaqassaaq
Ataqqinnartorsuaq Dronning Margrethe Nuummut tikitsinnagu eqqarsi salissiuk, inimullu akiliut qaammat ataaseq eqqorlugu! Taamatut nipilimmik inissiaatileqatigiiffik INI a/sip Nuummi najugaqartuutiminut kajumissaarivoq.
Allattoq Jaaku Lyberth
juunip 08-at 2009 13:59
Najugaqarfiit eqqaani unammilluni saliineq arfininngorpat juunip ulluisa 13-anni ingerlanneqassaq, saliillaqqinnerpaallu akissarsisinneqassapput, akissarsiassat annersaat tassalluni inigisamut akiliut qaammata ataaseq INI a/s nalunaarpoq. Najugaqarfiit eqqaanni unamilluni saliginerup kingorna nereqatigiittoqassaaq katerisimaartoqarlunillu.
Inissiaatileqatigiiffiup INI a/s-ip inissiaataani Nuummi Nuussuarmilu najugaqartut, unamminissamut peqataaniartut immikkoortortaqarfimminnut nalunaassapput, peqataanissamullu nalunaarfissaq ulloq kingulleq sisamanngorpat 12 juni.
