Kunngikkut qimuttunik attuuasaqarlutillu sukkalisaartut

Kunngip Frederiup prins Vincentillu nunatsinnut sapaatip akunnerani tikeraarnermini ulluisa sisamaanni Sisimiuni qimmeqarfik pingasunngornermi ualikkut alakkarmatigu ATV-nullu aqqutikkut nutaakkut ingerlaarmata sukkangaatsiarlutillu nerukkaatissaqangaatsiarpoq.

Kunngikkut qimmeqarfimmi Ulloriaq Kreutzmannimit nammineq qimminut nerukkaatissiortartumit angalaarunneqarput. Taannalu peqatigalugu qimuttut qaqortut kunngikkormiutulli nukissaqartigisut nerukkarpaat.

Prinsip 13-inik ukiullip qimuttorpassuit pitussimasut angalaanermi aqqutaani attuuasinnaallugillu piaqqamik tigummiaqarsinnaavoq.

- Uuma peqqui katassuataarput, prins Vincent qimuttut angisuut ilaat attuuallugu nuannaarluni oqarpoq.

Qimuttunut nerukkaatissat savamik, puisimik qaleralimmillu ilaatigut akoqartut, Ulloriaq Kreutzmann oqarpoq, qimuttullu tamarmik immikkut nerukkaatissanik ataatsimut naqitanik tuniorarlugit.

Kiffaanngissusermut aqqut

Qimmeqarfimmut alakkaanerup kingorna ATV-mik ingerlaarnissamut pilersaaruteqarpoq. Kunngikkormiummi ‘Kiffaanngissusermut aqqut’ Kangerlussuarmiit Sisimiunut aqqusinniarineqartoq ingerlaarfigisussaavaat.

Aqqutillu aqqa suliniummi aqutsisup, Laust Løgstrupip aallartinnginnerminni oqaasertalerpaa.

- Kalaallit Nunaanniikkaangatta pinngortitami ingerlaaraangatta kiffaanngissusermut ingerlaartarpugut, taanna oqarpoq.

Kunngi Frederik aamma prins Vincent aqqutaani nikipput, taamaalillutik tamarmik ATV-nik ingerlataqarlutik. Assi © : KNR / Nicole Sander Bertelsen

Kunngikkullu kiffaanngissuseq ATV-nik ingerlaarlutik tamatuma kingunitsianngu misigaat. Kunngi siulliulluni aquppoq, kisianni:

- Qaavani nikissaagut, prins Vincent oqarpoq.

Taamaaliorpullu, uteqqikkamimmi prins Vincent aquppoq.