Dronningikkut juulimi tikeraassapput

Dronning Margrethep prins Henriullu aasaru Nunatsinni angalanissaat maanna ullulerneqarput - Angalanerat pissalluni juulip qulingiluaannit 23-ata tungaanut.
Allattoq Camilla Dam
marsip 26-at 2015 10:59

Kunngip umiarsuaanik Dannebrogimik illoqarfiit nunaqarfiillu sorliit tikinneqassanersut, Rigsombudsmandip, Naalagaaffiup qitiusumik allaffeqarfiata, kommunit aamma kunngikkut allaffeqarfianni pisortaqarfiup pilersaarusioruttulerpaat. 

Kunngissaq Frederik nulialu Mary meeqqatillu sisamat ilagalugit siorna Nunarput tikeraarpaat, dronning Margrethep prins Henriullu Nunatsinni aasakkut tikeraarnerat kingullermik 2011-mi pilluni.

Taamani  kunngikkormiunit tikeraarneqartut tassaallutik Siorapaluk, Qaanaaq, Upernavik, Niaqornat, Saattut, Uummannaq, Qeqertarsuaq, Aasiaat, Nuuk, Paamiut, Qaqortoq, Igaliku, Nanortalik, Tasiusaq aamma Narsaq.

Dronning Margrethep prins Henriullu Atlantikup avannaani aasaru angalanertik Savalimmiuni aallartissavaat, tassa juunip 15-iannit 19-iannut Savalimmiuniissagamik.       

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq