Assit Kunngikkormiut tikeraarnerminni Nuuk naggataarfigaat
Ataqqinartorsuaq Dronning Margrethe uinilu Prins Henrik umiarsuarminnit nuutoqqamut ikaarunneqarmata qamutilittartoqarpoq.
Borgmester Asii Chemnitz Narupimit Dronning Margrethe Prins Henrillu tikilluaqquneqarput erinarsoqatigiillu NIPE Nunarput utoqqarsuanngoravit erinarsorpaat.
Nuutoqaq inunnit ulikkaarpoq, inuit 500 missaat kunngikkormiut takuniarlugit najuukkiartorsimapput. Utoqqaat, meeqqat, inuusuttullu alutorsaallutik takuniaapput. Politiillu arlaannik pisoqannginnissaa qulakkeerniarlugu nakkutilliisuullutik.
Mersortarfik pulaarneqarpoq
Aqqarnup qeqqata missaani Kunngikkormiut mersortarfik Kittat pulaarpaat pulaarnerminnilu ammerivik pillugu nassuiaanneqarlutik.
Ullup ingerlanerani Dronning Margrethe uialu Prins Henrik ilaatigut Kalaallit Nunaanni Eqqartuussivik, Grønlandsbankeni allallu pulaassavaat.
Ualimullu qinngutsinni aqqusinermik atoqqaartitsineq pissaaq, tassanilu Dronning Margrethep aqqusineq nutaaq atoqqaarfissiussavaa. Ualimullu aamma Kunngikkormiut Nuummiullu Ilinniarnertuunngorniarfiup inersuartaavani kaffillerfigineqassapput.