Kunngikkormiut avannaanut tapersiisut
Uummannap sulluani tassaarsuaqarneranut atatillugu Kalaallit Røde Korsiata ikiuiniarneranut Dronning Margrethep Prinsgemalillu aningaasaateqarfiat tapissuteqarpoq
Kunngikkormiut tusagassiutinut taama nalunaaruteqarput.
Tunissutit 200.000 koruunit Dansk Røde Korsimut tunniunneqarput, tunniussallu Kalaallit Røde Korsiannut ingerlateqqinneqassapput.
Dronningip Prinsgemalillu tassaasuaqarneranut eqqugaasunut ikiuiniarnermi tunissuteqarnissartik kissaatigisimavaat.
Suliniuteqarnissami eqqugaasimasut najugaqarfissaannik pissarsiornermi iluarsartuusseqqinnissamilu ukkatarinnittoqassaaq, tassanittaaq meeqqanut ilaqutariinnullu meerartalinnut ikiuiniarnissamut tapiissutit atorneqassallutik.