Kunngikkormiut asanninnerat Århusimi
Dronningip imilersarissanik qalipagai 1982-imeersut Prinsillu kalaalerpaluttunik ilusilersugai saqqummersitsinermi 'Pas de Royal - eqqumiitsuliornikkut naapinneq'-mi Kunngikkiormiut Nunatsinnut qanoq qanitsiginerannik ersersitsipput.
Dronningi uiilu siullerpaamik saqqummersitseqatigiipput, saqummersitsinerlu ornigarluarneqarnissaa aamma naatsorsuutigineqarpoq. Kunngikkormiut eqqumiitsulioriaatsit assigiinngitsorpassuit ukiut ingerlanerini misilittarsimavaat, saqqummersitsinermi taakku tamaasa takuneqarsinnaapput. Dronningip nunamik qalipagai, bikopimut qalersaliai, découpagealiai isiginnaartitsissutinullu aaqqissuussineri, Prinsillu ilusilersugai taalliaalu.
Dronningip uiata eqqumiitsuliornermi periaasiisa assigiinngitsuuneri ersarippoq. Dronningip pinngortitaq sammilluartarpaa imminullu tunngasunik samissaqassanani, Prinsillu inunnut tunngasut eqqumiitsuliornermini samminerusarpai.
Saqqummersitsinermut atatillugu aamma atuakkamik assitalersukkamik atuakkiortut arfineq marluk oqaasertalersorsimasaannik saqqummersitsisoqassaaq, atuakkamilu eqqumiitsuliortut kuturip oqaluttuassartaanut naleqqiullugit sammineqassapput.
