Kunngikkormiut angalanerat kujataani naammassissaaq

Kunngikkormiut Igalikumi unnueriarlutik ullumi Narsaliarput, silami timersortarfimmilu timersuutinik assigiinngitsunik sammisaqartitsinerni peqataapput.

KNR-ip aallartitaa Arnaq Nielsen taama oqaluttuarpoq.

- Narsamiinnerminni kommunip silataani orpimmik naatitsipput, taassumallu kingorna timersortarfimmukarlutik, tassani timersoqatigiiffiit assigiinngitsut, timersuutinik assigiinngitsunik takutitsipput, ilaatigullu Kunngi Dronninngilu unammeqataalaarput soorlu nerrivimmi arsaaralutik imaluunniit måleriartarlutik arsamik. Arnaq Nielsen oqaluttuarpoq.

Nuannisarput

Inuit nuannisarput, inuppassuillu niuffiorput, Arnaq Nielsen oqaluttuarpoq.

- Inuit nuannisarput sialleraluartoq, siullerpaamik uani angalanermi siallingaatsiarpoq, kisianni inuit taanna uniffiginngilaat. Maani aamma Narsami nuannisarpaseqaat. 

Qiimallutik ingerlaqqiffissaminukarput

Kong Frederik Dronning Mary-lu Qassiarsummut tikipput Assi © : KNR / Arnaq Nielsen

- Kunngikkut Qassiarsummukarput, Qassiarsummeereerunik ullup ingerlanerani Narsarsuarminngaanniit angerlamut aallassapput. Tassalu tikeraarnerat naammassissalluni. Arnaq Nielsen oqarpoq.

Taamaalilluni kunngikkormiut nunatsinni pisortatigoortumik tikeraarnerat juunip ulluisa 29-ani Qaanaami aallartittoq naammassissaaq.