Kunngi Nunatsinnut nersorinnittumik plakaatiliorpoq
Eqqumiitsuliortup tamatigoortup Frederik Kristensenip, Kunngip, Nunatta Namminersulernera Inuiattullu Ullorsiornerput nersorniarpaa.
Allattoq Mads Lynge
Nersuiniutigalugu qalipakkamik maanna plakatinngortitaqarpoq, "Manden med flaget"-imik taaguutilik, angut erfalasumik tigumiartoq.
Plakati naqitaq siulleq Kommuneqarfik Sermersuup borgmesterianut Asii Chemnitz Narupimut ullumi ullup qeqqata siorna tunniunneqassaaq.
Plakati Nunatsinni suliarineqartoq, suliffeqarfiup CB Reklamep, Nuummeersup suliaraa, Naqitani naqitaalluni, Glarmester Roar Christiansenimillu, aamma Nuummeersumit, sinilersorneqarsimalluni.
Plakatit tamarmik immikkut normulersorneqarnikuupput, Kunngimillu atsiorneqarsimallutik. Plakati ataaseq 150 koruuneqarpoq.