Kunngi Herodesip ilerra nassaarineqarpoq

Århusip Universitetiani professorip, Per Bildep oqaatigaa aatsaat maanna ilumut Herodesip ilerra nassaarineqarsimasoq qulakkeerneqartoq.

Biibilimiit tusaamalluakkatta Kunngi Herodesip ilerra Israelimiut itsarnisarsiuut nassaarisimavaat. Tassa Matiiusip iivankiiliua naapertorlugu, Kunngi Herodesi taannaavoq meeraq Jiisusi ujarlugu nukappiaqqanik toqoraasitsisoq. Herodesip iliveqarfiani, Herodeonimik taaneqartartumi anorlertaqaaq. Jerusalaap avatinnguani ilerrup illuliartaani, 25 meterinik portutigisumi, Hebræerit Universitetianeersut Herodesip ilerra ukiuni 50-ini ujarlereerlutik nassaarisimavaat. Herodesip toqoqqajaranili tamaani iliveqarnissani aalajangiukkamiuk eqqaassutissamik illuliortitsisimavoq. Kingornali eqqaani kunngip illussaarsualiortitsisimavoq, sulilu kingusinnerusukkut tamassuma eqqaani illoqarfiliortitsisimalluni. Ilumut Herodesip ilerra nassaaralugu, aningaasat nassaarineqartut marriallu atorlugit itsarnisarsiuut uppernarsisimavaat. Taakkuali saniatigut illorsuit sananeqarsimanerat ilusilersorneqarnerallu naapertorlugit ilumut Herodesip ilerra tassa nassaarisimallugu qulariunnaarsimavaat. Herodesimmi nalaani qanoq illuliortoqartarsimanersoq ilusilersuisoqartarsimanersorlu, itsaq allagaasimasunit itsarnitsanillu assaasarnikkut naluneqanngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat