Kinguaariinni nikittoqarnera sapaatiuppat nalunaarutigineqareerpat kunngi Frederik Christiansborg Slotip aneerasaartarfiani oqaaseqassaaq.

Tamanna kunngeqarfiup sapaatiuppamut pisortatigoortumik pilersaarummi ataasinngornermi saqqummiussaani allassimavoq.

Kunngi aneerasaartarfikkut sapaatiuppat danskit nalunaaqutaat malillugu pingasunut anillassaaq, tamatuma kingorna ministeriunerup Mette Frederiksenip (S) kinguaariinni nikittoqarnera nalunaarutigissavaa.

Tamatuma kingorna kunngi oqaaseqassaaq naggasiillunilu.

Oqaasinnaarisaa kunngiuneranut sinaakkutaassaaq.

Dronning Margrethep angummi – Frederik IX-ip – toqungajalernerani oqaasinnaarisassani aatsaat nassaaraa.

Taassuma "Guds hjælp, folkets kærlighed, Danmarks styrke" oqaasinnaaraa, tassa "Guutip ikiuinera, inuiaat asanninnerat, Danmarkip nukinga "

Sapaatiuppamut pilersaarut kunngissakkut dronningillu Amalienborgimit biiliminnik immikkut ingerlanissaannik aallartissaaq.

Tamanna Christiansborgimi kinguaariit nikinnissaanut 30 minutsit missaat sioqqullugit pissaaq.

Tamatuma kingorna dronningi, kunngissaq aamma prins Christian naalakkersuisut peqatigalugit naalagaaffimmi siuttut siunersioqatigiissapput.

Kinguaariit nikinnerat siunersioqatigiinnermi tassani dronningip tunuarnerminik atsiorneratigut pisortatigoortumik atuutilissaaq.

Tamatuma kingorna dronningip Christiansborg Slot qimassavaa Amalienborgiliarlunilu.

Nalunaaqutaq 14.30 kunngi nulialu immikkut qaaqqusanut pilersaarummi atilerneqanngitsunut malunnartitsissapput.

Akunnerup affaata kingorna kunngi Frederik aneerasaartarfikkut anillassaaq.

Kunngi nulialu nalunaarutiginninnerup kingorna Amalienborgimut uteqqissapput.