Israelip Libanonimut Palæstinamullu saassusseqattaarnini unitsinngippagit kangiani qiterlermi sorsuttoqaleriaannaavoq, taama ullumi mianersoqqusivoq Saudi-Arabiap kunngia Abdullah.
- Eqqissisaaniarneq Israelimiut annerujumatussusiannit aserorneqarpat sorsunnissaq avaqqukkuminaallissaaq, kunngi Abdullah Saudi Arabiami Tv-qarfimmi taama issuarneqarpoq.
Libanonimi aserukkanik aaqqissuusseqqinnissamut 30 millarder koruunit sinnerlugit, Palæastinamilu aaqqissuussinissanut 15 milliarder koruuninik Saudi-Arabia nunarsuarmi uuliaqarfissuit annersaat aningaasaliissalluni neriorsuisimavoq.