Kulusummut timmisartuussisoqaqqilissaaq
Air Greenlandip Kulusummut timmisartuussisarnini ingerlatiinnassagaa, Air Greenlandimi ingerlatsinermut pisortaq Jørgen Erik Andersen oqarpoq.
Allattoq Mads Lynge
- Dash-7-imik timmisartuussinitsinni paasivarput Kulusummi mittarfimmi nunnittoqarsinnaalersoq. Pissutsit pitsaanerulersimapput. Mittarfeqarfiit aputaajanissaq iluatsissimavaat. Taamaammat Kulusummut timmisartuussisarnigut nalinginnaasumik pingasunngorpat ingerlaqqilersinnaassasut ilimagaarput, Jørgen Erik Andersen oqarpoq, nangipporlu:
- Qaammatit kingulliit ingerlanerini aperujussuartarpoq ajornartorsiutaasimaqisumik, annertuumillu apeqqinngippat nalingainnaasumik timmisartuussisaleqqissinnaassaagut, Air Greenlandimi ingerlatsinermut pisortaq Jørgen Erik Andersen radioaviisimut oqarpoq.