Kulusummi naammagittarlutik utaqqipput
Kulusummi silarluttarlunilu aputeqangaarmat ilaasut 82-it ullut qulissaat ippassaq suli nikinnaveeqqapput. Mittarfeqarfiup tungaanut aqqusineq meterinik arfineq marluk arfineq pingasullu akornanni ititigilersillugu allatut ajornartumik nivanneqartariaqarsimavoq.
Trafikassistent Gustav Petersen, Kulusummiit oqaluttuarpoq ajutooqattaarnerit pisarsimasut, mekanikerilu ilaanni unnuaq naallugu sulisinneqartarsimalluni.
Timmisartumut ilaasussat sapaatip-akunnera sinnerlugu utaqqisimasut qanoq misigisimanersut Gustav Petersen aperineqarami ima akivoq:
-Utaqqisuutivut qujanartumik naammagittartorujussuupput, aamma takusinnaagamikku qanoq ilungersortigisugut, taavalu anorlertuarnera qanorlu aputeqartiginera soorunami aamma namminneq takusinnaavaat, taamaattumik naammagittarlutik utaqqipput, trafikassistent Gustav Petersen oqarpoq.