Kulusummi imermik qalatitseqqaaqqusineq atorunnaartoq
Kulusummi imeq bakteriaqarunnaarpoq.
Allattoq Simon Uldum -
oktobarip 07-at 2016 06:40
Namminersorlutik Oqartussat tusagassiorfinnut nalunaaruteqarlutik allapput Kulusummi imermik qalatitseqqaaqqusineq maanna atorunnaarsinneqartoq.
- Ulloq oktobarip ulluisa pingajuat 2016 aallarnerfigalugu imermik qalatitseqqaarnissamik inassuteqarneq/peqqussuteqarneq maanna atorunnaarsinneqarpoq, imermik misissugassamik tigusinermi tunillannartoqassutsip qaffasinnera illumut ataasiinarmut atuuttoq paasineqarmat.
- Nunaqarfiup sinnerani imermi tunillannartoqarneranik takussutissaqanngilaq. Taamaalilluni nunaqarfimmi imermik qalatitseqqaarnissamik inassuteqarneq/peqqussuteqarneq atorunnaarsinnepoq, Namminersorlutik Oqartussat taama ilisimatitsipput.