Kulusumi mittarfiup matoqqakulasarnera namminersortut qisuariarfigaat
Kulusumi mittarfiup ukiukkut matoqqakulasarnera tunumi inuussutissarsiutitigut ingerlataqartut qisuariarfigaat. Nalakkersuisut taamatullu Kalaallit Nunaanni mittarfeqarfiit kajumissarneqarpoq, aaqqissuutissamik nassaaqqullugit, tunumi innuttaasut mattulluinnaqqissaarneqassanngippata.
Allattoq Louise M. Kleemann
novembarip 05-at 2008 07:53
Kalaallit Nunaanni mittarfeqarfiit akissakilliornerat pissutaalluni, Kulusumi aputaajaanermut atortunik nutaanik pissarsisinnaasimanngilaq.
Apinerulerpat Kulusumi mittarfik sivisunerusumik matoqqasalersinnaavoq, tamannalu tunumut attaveqartarneq mattulluinnarneqarsinnaaneranik kinguneqarsinnaavoq, tamannalu tunumi innutaasunit akuersaarneqarsinnaanngitsoq Jakob Abelsen isumaqarpoq.
Kulusuup mittarfiani aputaajaanermut atortut nutaanngilillutik naammattumik atorneqarsinnaannginnerat pissutaallutik, mittaarfik akulikitsumik matuneqartariaqartarpoq inuussutissarsiutinik ingerlataqartut sinnerlugit Jakob Abelsen allappoq.
