Kulusuk katersuiniullugu tusarnaartitsinermi Islandip præsidentia nulialu peqataasut

Arfininngornerup ualinerani tusarnaartitsinersaarsuarmut peqataasut tuusintit marlussuupput, taakkununngalu islandip præsidentia nuliilu akuullutik. Aaqqissuunnermut peqqutaasoq alianartuuvoq, tassami Kulusummi illu nipilersortarfik nungulluni ikuallassimavoq nipilersornikkullu kulturi ajutoortinneqarluni, suliniutilli immikkut illuinnartunik kinguneqarput.

-Islandimi nipilersortartut tusaamasat ilaat tusarnaartitsisspput tusarnaartitsinerlu ornigalluarneqarluni. Nipilersortut tunuani seqertitsivissuarmut Tunup pinngortitaanik kulturikkullu inuunermik assilisat tunuliaqutaralugit inersuaq nuannisarfiuvoq. Nipilersortartut Kulusummeersut pingasut ataqqiniarlugit aamma qaaqquneqarsimapput, tassalu Anda Kuitse, Anton Sianiale aamma Efraim Ignatiussen, taakkulu islandimi nipilersortartoqartiminnik ersaartaanneqarput, Hjörtur Smárason knr.gl-imut oqaluttuarpoq.

Aaqqissuisut aaqqissuussineq iluatsinniarlugu ulapittupilussuusimapput, nipilersortartullu islandimiut Kulusummi qanoq inissisimasoqarneranik paasinnittupilussuullutik. Islandimit Kulusummut timmisartukkut attaveqarmat, islandimiorpassuit taavaniittarsimapput. Kulusummi tassaavoqiIslandimiorpassuit sapaatit akunnerata naanerani tikeraassallugu nuannarisaat.

-Kalaallit Nunaanni taama nuannertigisunik sanileqarnerput tusagassiuutini ulluni kingullerni eqqartorneqartarpoq. Aaqqissuussineq manna Islandimi nunarujussuup alutornartup Islandsimullu naleqqiullugu avannarpasinnermi, kujasinnermi, kippasinnermi kujasinnermilu inissisimasup, kiisalu Kulusummi piorsarsimassutsikkut ileqqutoqqat pingaartinneqartupilussuit soqutigineqarnerulernerinik paasisaqarfiginerunissaannillu pilersitsivoq. Tusarnaartitsineq naggataajunngilaq, Islandilli Kalaallit Nunaatalu akornanni qaninnerusumik nuannernerusumilu attaveqalernissaanut aallarniutaannaalluni, Hjörtur Smárason oqarpoq.