Kulturitta tapersersorneqannginnera aliasuutigineqarpoq
Nuup aqquserngini Inatsisartullu ataatsiittarfiata silataani ualimut inuit arlalinnik untritillit ingerlaaqatigiipput nipiliorlutik tumerparpaarlutillu, malugitinniarlugu kulturerput pinngitsoorsinnaanngikkipput.
Kalaallit kulturitta tapersersorneqannginnera alianartumik ingerlaaqatigiissutaavoq. Aliasoqataasut amerlasuut ilaannakunik kalaallisooqarput, ilaallu assit sinaannik imaqanngitsunik nassarput kiisalu ilaat atuakkanik allaffiginikuunngitsunik nassarlutik. Inatsisartullu ataatsimiittarfiata silataani ilisinertut ilillugit, tassagooq kulturi ilisaasoq, tapersersorneqarani piusinnaannginnami.
Akerliussutsimik takutitsineq inatsisartunut ilaasortanit arlalinnit isiginnaarneqarpoq, aamma Naalakkersuisut siulittaasuannit Hans Enoksenimit, Kultureqarnermullu Naalakkersuisumit Tommy Marømit isiginnaarneqarpoq. Tommy Marø arlaleriarluni ersaattaattarpoq, kisianni amerlanerusunik tapiissamaarneranut imaluunniit isigisaminik alutorinninneranut ersiutaanersoq naluarput.
