Kulturimut politikkissaq piareersarneqaleruttorpoq

Isiginnaartitsinermut inatsisissaq sipaarutaavoq, ilutigalugu kulturi pillugu siunnersuisoqatigiit atorunaalerput, kulturimullu ullorititaq atorunnaarluni. Piffissaq manna Nunatsinni kulturimut ajornartorsiorfiuvoq. Kisianni kultureqarnermut, iliniartitaanermut ilisimatusarnermullu naalakkersuisoq kulturimut politikkissamik piareersagaqarpoq.
Allattoq Jens Thorin
oktobarip 13-at 2009 05:11

- Ilumoorpoq, isiginnartitsinermut inatsisissaq ukiumik ataatsimik kinguartikkatsigu. Tassa aningaasat killeqarmata isiginnaartitsinermut inatasisissaq kinguartinneqarpoq. Mimi Karlsen oqarpoq.

Kisianni Mimi Karlsen neriorsuivoq isiginnaartitsinermut inatsit Naalakkersuisuni pingaartikkitsik.

- Taassuma piviusunngortinnissaa pingaartitani sallerpaani ilaavoq. Piffissami aggersumi qanoq ingerlaqqinnissaa misissussavarput, aammalu allamik pitsaaqutaasinnaasumik ujartuissaagut, Mimi Karlsen nangippoq.

Aamma Kulturi pillugu siunnersuisoqatigiit atorunnaassasut nalunaarutigineqareerpoq. Kisianni Mimi Karlsen nassuiaavoq, allamik taartaasinnaasumik aggersoqartoq.

- Eqqumiitsuliortut kattuffissuartaarniarlutik neriunartumik suliniuteqarput. Isumalluarpugullu, kulturimik suliaqartunik suleqateqarneq tassuuna ingerlassasoq.

Nammineq kulturimut politikkeqarpit?

- Massakkoqqissaaq iluseqartinngilara. Kisianni kulturimut politikkissamik naalakkersuisunut siunnersuuteqarniarlunga pilersaaruteqarpunga, Kulturimut, ilinniartitaanermut ilisimatusarnermullu naalakkersuisoq, Mimi Karlsen, oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq