Kulturikkut suliniutinut tapiisarnermik paasisitsiniaaneq
Qinnuteqaalli sunik imaqassava, qanorlu missingersuusiortoqassava? Isumassarsiat piviusunngortinneq ajulersimagukku paasisitsiniaanermut Katuami sisamanngornermi januaarip 15-iani 2015-imi pisussamut peqataajartorsinnaavutit.
Paasisitsiniaanermi Namminersorlutik Oqartussat, Kommuneqarfik Sermersooq, NunaFonden, Katuaq aamma NAPA aaqqissuisuupput. Unnuk aallarnerlugu aningaasaateqarfiit saqqummeeqqaassapput.
Aningaasaliisartut aallartitaat najuutissapput, taakkulu ornillugit suliniutiginiakkavit qanoq ililluni taperneqarsinnaaneranik unnuup ingerlanerani paasiniaaffigisinnaassavatit.